ရောင်စုံတွေများတဲ့ မြို့  မိုးရွာရင် ရေကြီးတဲ့မြို့ 
တောင်ပေါ်ဒေသမဟုတ်ဘဲ ရေတွေကြီးနေတဲ့မြို့ 
ငါတို့နိူင်ငံရဲ့ မြို့ ကြီးတစ်မြို့ ......
ပတ်ဝန်းကျင်ညစ်ညမ်းမှုတွေနဲ့ ပြည့်လျှံနေတဲ့မြို့ 
တီဗွီစလောင်းတွေ ပွင့်လန်းဝေဆာနေတဲ့မြို့ 
အိုင်တီပညာတွေ အပြေးပြိုင်နေတဲ့မြို့ 
ဒါကတော့ အပြည့်အစုံအလုပ်မရှိရင် လူပိုတစ်ယောက်ဖြစ်သွားတဲ့မြို့ 
ကြီးကောင်စ နေ၀င်ချိန်မှာ တရေးနိူးတတ်တဲ့မြို့ 
ဒီမြို့ လေးက ကောင်မလေးရေ....
ငါ့အတွက် တစ်သက်စာ ပြက္ခဒိန်တွေကို ယူခဲ့ပေးပါ။ လေးပေါ့…
Friday, September 4, 2009
ရန်ကုန်
Sunday, May 10, 2009
ဝိုးတ၀ါးလမ်း
အလင်းရောင်မှိန်တဲ့ နေ့ကိုဆုပ်ကိုင်ရင်း
ဝိုးတ၀ါးလမ်းလျှောက် ရတဲ့ရက်တွေ
လွယ်အိတ်တစ်လုံးအပြည့်နဲ့ပေါ့
လွင့်ချင်ရာလွင့်နေခဲ့တဲ့ ငါ့စိတ်က
ငါ့ကိုလှောင်ပြောင်နေတယ်။
ညီမျှခြင်းမရှိတဲ့ ဒီနေရာမှာ
ဆုံးရှုံးမှုတွေက ပင်လယ်လိုဝေနေလေရဲ့
မရေရာမှုနဲ့ ရောင်စုံလူတွေထဲမှာ
တိကျမှုတစ်ခုကို မျှော်လင့်မိခဲ့တယ်။
ဆုံးဖြတ်ချက်တွေ နည်းလမ်းတွေ
ကို အိတ်တစ်ခု ထဲ အလုံပိတ်
တံခါးပိတ်ထားတာလဲ ကြာလှပါပြီ
ဒေါက် ဒေါက် အိမ်ရှင် မရှိတာလား?
ဟိုးမြေပုံကိုကြည့်
အဲ့ဒါ ဘိုးဘွားတွေ ထာဝရ အိပ်စက်နေလေရဲ့
နားစွင့်လိုက်ပါ မျှော်လင့်ချက်ရောင်ခြည်ကို
ဥပက္ခာ မပြုလိုက်ပါနှင့်။
Saturday, April 25, 2009
မိုးလင်းတဲ့ည
အတွေးစတွေပြန့်ကြဲနေတဲ့ ဒီအခန်းထဲမှာ
စိတ်ကိုစုစည်းဖို့ ငါဟာမောပန်းနေတယ်
အလည်လွန်တဲ့ အတွေးတွေနဲ့
ငါဟာမိုးလင်းညတွေ မနည်းတော့ဘူး။
ကဗျာရေးဖို့ ကလောင်တံကိုင်လည်း
တွန့်ကြေနေတဲ့ အတွေးစ က ငါ့ကိုလက်ယှက်ခေါ်လို့
ကျွန်တော့်အတွက် တစ်ပုဒ်လောက် ဆွဲပေးပါတဲ့
သူ့အတွက် တစ်ပုဒ်လောက်ရေးချင်ပေမဲ့
စကားလုံးတွေက အန်ထွက်မလာဘူး
ဆေးလိပ်တိုကိုမီးညှိ တော့လဲ
စကားလုံးတွေက ငါ့ကိုပုန်းနေကြတယ်
အတွေးရေယာဉ်မှာ မျှောနေရင်း
နှစ်ခါမရနိူင်တဲ့ ပုံရိပ်တစ်ခုက ဆွဲဆောင်မှုအပြည့်
ဂီတာကိုင်ပြီး ထိုင်မနေပါနဲ့ မိန်းကလေးရယ်
ငါ့အတွက် အချစ်သီချင်းလေးတစ်ပုဒ် နဲ့
ငါ့ကို အိပ်စက်ဖို့ ဖန်တီးပေးပါလား။
(ချစ်သူငယ်ချင်းအတွက် အမှတ်တရ)
Wednesday, April 15, 2009
ဝေးကွာမှုသို့..
စာရွက်ဟောင်းတစ်ခုလို လုံးချေပြီး
ငါ့ဘ၀ ကိုလွင့်ပစ်လိုက်ပါမိန်းကလေး
တကယ်လို့ နင့်အတွက်ငါဟာ
အသုံးမ၀င်တော့တဲ့ လက်နှီး စုတ်တစ်ခုဆိုရင်
အမှိုက်ပုံးထဲ လွင့်ပစ်လိုက်ပါ။
ဒါပေမဲ့ ဒီကောင်ရင်ဘတ်ထဲမှာ
ချစ်ခြင်းဆိုတဲ့ သံယောဇဉ်တွေကို
ဖြတ်တောက်ဖို့အတွက်တဲ့
နှုံးချိနေခဲ့ရတယ်..........
အချစ်စစ်အတွက် မွေးဖွားလာခဲ့သူကို
ရက်စက်စွာ ဓါးနဲ့ပိုင်းပိုင်းဖြတ်သွားသူ
ငါ့ မျက်နှာ မငြိုးသွားပါဘူး မိန်းကလေး...
ဝေးကွာခြင်းရဲ့ နောက်ကွယ်မှာ
နင်တနေ့ တော့ င့ါချစ်ခြင်းတွေကို
သိလာမှာပါ....မိန်းကလေး။
(ဝေးကွာနေသော ချစ်သူဆီသို့ အမှတ်တရ )
Thursday, April 9, 2009
ကြေကွဲခြင်း
ဝေးကွာခြင်းဆိုတဲ့ အဓိပ္ပါယ်ထဲ
ငါလက်ပစ်ကူးနေရတာ မောလှပြီ
တစ်ခါတစ်ခါ ကြေကွဲခြင်းဆိုတဲ့
ဒဏ်ရာက ငါ့ကို လာပြီးကျီစယ်နေတယ်။
အဆင်သင့်မဖြစ်သေးဘူးဆိုတဲ့
စကားတစ်ခွန်းနဲ့ ဘ၀ကို ဖောင်ဖျက်ခဲ့တယ်
လန်းဆန်းတဲ့ အတွေးခေါ်ကို ငါမော့သောက်ရင်း
ဘ၀ ဟာ အေးမြခဲ့တယ်....
ကမ်းခြေမဲ့နေတဲ့ ဘ၀ထဲမှာ
ငါ လို လူမျိုးအတွက် ယုယကြင်နာခြင်းတွေ
မြေမြုပ် သဂြိုလ် ခဲ့ပြီးပါပြီ....
ကျရှုံးခြင်း တွေကို ငါ ထွန်းညှိ
ကြေကွဲခြင်းတွေနဲ့ ငါ ရွက်လွင့်တော့မယ်။
Sunday, March 29, 2009
စိတ်ရူး
အတာကူးမဲ့ နှစ်ကူးတန်ခူးကို နီးလာလေ ကျွန်တော့စိတ်တွေဟာ တော်တော်လေးကို ရောက်ယှက်ခပ်နေမိတယ်...တောင်ပေါ်ဒေသမှာတော့ နွေရာသီ
တာပြောတယ် အအေးက လုံးဝ ကို မလျော့သေးဘူးလေ။ခုတလော အင်တာနက် ကွန်နက်ရှင်က လဲ မကောင်းတော့ ဘာလုပ်လို့ လုပ်ရမှန်းကိုမသိဘူး ဟိုလိုလို
ဒီလိုလိုနဲ့ 109 110 ဖြစ်နေတယ်။ အရေးထဲ မီးကလဲ မုန့်လုံးရေပေါ်လိုဖြစ်နေတော့ တော်တော်လေးကိုစိတ်ပျက်မိတယ်....အရင်က တစ်ရက်ခြား တစ်ခါလာတဲ့ မီး
ခုတော့ နှစ်ရက်ပေါင်း (၄) နာရီဖြစ်နေတယ်။
စိတ်လေလေနဲ့ ဘီးတောင်လေးမျက်နှာဘုရားပေါ်ကနေ မိုးကုတ်မြို့ လေးရဲ့ ရှုခင်းကိုငှေးနေမိတယ် နွေရာသီရဲ့ မြူတွေကြောင့် မြို့ လေးဟာ တော်
တော်လေးကို ငြီးငွေ့ဖွယ်ကောင်းနေတယ်။အလွမ်းဓါတ်ခံ ရှိတဲ့လူဆိုရင်တော့ ဒီနေရာမှာတင် လဲကျသွားနိူင်လောက်အောင် မြို့ လေးရဲ့ နွေရာသီ မြင်ကွင်းက
ဖမ်းစားထားတယ်..........တောင်ယာစိုက်ပျိုးဖို့အတွက် တောင်ယာသမားတွေရဲ့ တောမီးရှို့  မှုကြောင့် မိုးကုတ်စက်ဝိုင်းကြီးဟာ လုံးဝ ကို အကျဉ်းတန်နေလေရဲ့။
ကျွန်တော့်အတွေးစတွေဟာ ဟိုဟိုဒီဒီလျှောက်တွေးနေမိတယ်....ဒီမြို့ လေးမှာ ကမ္ဘာက သိတဲ့ သာသနာ့အာဇာနည် မိုးကုတ်ဆရာတော်ဘုရားကြီး
ပေါ်ထွက်ခဲ့ဘူးတယ်...ဒီမြို့ လေးကဘဲ ကမ္ဘာကသိတဲ့ န ၀ တ ပတ္တမြားကြီးထွက်ခဲ့ဘူးတယ်...ဒီမြို့ လေးကိုလဲ ကမ္ဘာက သိတဲ့ အမျိုးသမီးတစ်ယောက်လာသွား
ဘူးတယ်.....ဒီမြို့ လေးကိုဘဲ ကျွန်တော်တို့ ဘိုးဘွားတွေရဲ့  သွေးချွေးနဲ့ တည်ဆောက်ခဲ့တယ်။ ခုတော့ ဒီမြို့ လေးဟာ ကျွန်တော်တို့လက်ထဲမှာ ရစရာ မရှိအောင်
ပြိုလဲနေတာ တွေက ကျွန်တော့ရဲ့ စိတ်ကို ၀မ်းနည်းမှုတွေဖြစ်ပေါ်စေတယ်လေ.........
ဒီမြို့  လေးကို ဘယ်သူတွေ အရောင်ဆိုးနေတာလဲ ဆိုတဲ့ ပုစ္ဆာ တစ်ခုရဲ့ အဖြေကို ဘယ်တော့မှဖြေရှင်းနိူင်မှာလဲ ?
ဒီပုစ္ဆာ ကို ဖြေမဲ့ လူတွေက ကောဘာလုပ်နေကြတာလဲ ....အရောင်ဆိုးတဲ့ လူတွေက လဲ ထပ်ပြီး အရောင်တွေဆိုးနေဦးမှာလား...ဆိုတဲ့ အတွေးစကို
ကျွန်တော်ဖယ်ရှားပြီး အင်းပတ်လမ်းအတိုင်း မိုးကုတ် မိုတယ်ထဲကိုဝင်ခဲ့ မိတယ်။ ဘားခန်းထဲ ရောက်တော့ စုတ်ပြတ်နေတဲ့ ကျွန်တော့် အတွေးတွေကို
မြန်မာ ဘီယာ တစ်ခွက်နဲ့ အတူ မျှော ချလိုက်တယ်။။။။ဒါပေမဲ့ ပုစ္ဆာ ရဲ့ အဖြေကိုတော့ လုံးဝ ကို ဖြေချင်ပေမဲ့ ဘယ်တော့မှ ဖြေရမယ်မှန်းမသိသလို ကျွန်တော့
အတွေးစတွေက အနာဂတ်မဲ့ နေတယ်။
ရင်ထဲမှာ အောင့်တက်လာတဲ့ လှိုင်းလုံးကို ပြန်ဖြေချ ဖို့အတွက် ဘားခန်းထဲမှ ၀ိတ်တာ တစ်ယောက်ကို နော်ကတစ်ကပ်ပေးပါ လို့ မှာလိုက်တယ်...
နောက်တစ်ခွက်ရောက်လာတော့ ကျွန်တော်နဲ့ အဝေးကြီးကိုထွက်သွားတဲ့ ကျွန်တော်ချစ်နေရသော ချစ်သူဆီကို အတွေးစလေးက ရောက်သွားတယ် ...
ဒီအချိန်သူဘာလုပ်နေလဲ ငါ့ကိုကော သတိရ ရဲ့လားဆိုတဲ့ ဟောင်းနွမ်းနေတဲ့ အတွေးတွေက တရပ်စပ် ၀င်လာတယ်....ကျွန်တော်နေ့တိုင်း မိုးကုတ်အင်းလေး
ကနေတစ်ဆင့် သူ့ကိုစကားပြောနေတာ သူသိပါ့မလား? လူမသိ ကျခဲ့ရတဲ့ ကျွန်တော့်မျက်ရည်စတွေကို သူသိပါ့မလား ဆိုတဲ့ အတွေးပေါင်းများစွာဟာ
ကျွန်တော့ ဦးနှောက်ကို အလုပ်လုပ်ခိုင်းနေတယ်...............
ကျွန်တော်ရဲ့ အရင်းနှီးဆုံး မိတ်ဆွေကကော ကျွန်တော့အပေါ်နားလည်မှု ရှိရဲ့ လား ?ကျွန်တော့ မိဘတွေက ကောကျွန်တော့်အပေါ်နားလည်မှု ရှိရဲ့လား?
အရောင်ဆိုးနေတဲ့ လူတွေက ကော နားလည်မှု ရှိရဲ့လား? ပုစ္ဆာ ရဲ့ အဖြေကို ဖြေမဲ့ လူတွေကကော ကျွန်တော့ အပေါ်နားလည်မှုရှိရဲ့လား ဆိုတဲ့ အတွေးစတွေနဲ့
အလုပ်လုပ်ရင်း ကျွန်တော့ ညနေခင်းဟာ ရီဝေစွာနဲ့ အိမ်ပြန်ခဲ့ရတယ်လေ..........။
Sunday, February 15, 2009
အပယ်ခံ
နာရီလက်တံတွေကို ကြည့်ပြီး ငါမုန်းတယ်
ငါကြားနေရတာက လှောင်ပြောင်သံလား ?
ဒီလို မှောင်မိုက်လွန်းတဲ့ ညတွေ
ဝါးမြို ခံ နေရတာ ရက်စက်လွန်းပါတယ်။
အပယ်ခံဘ၀မှာ ငါ ဇာတ်မြုပ်ရမှာလား
ကျစ်ကျစ်ပါအောင်ဆုပ်ကိုင်ထားတဲ့
ငါ့လက်တွေ ကို ငါဖြန့်ကြည့်မိတယ်..
အဲ့ဒါသူပေးတဲ့ ရလဒ်လား ?
အရင် က ရရှိဘူးတဲ့ ငါ့အလင်းရောင်လဲ
ဘယ်မှာ သောင်တင်နေလဲ ငါမသိတော့ဘူး
ငါ့ဘ၀ ကိုက ဇောက်ထိုးဆန်လှပါတယ်။
ငါ့လှေကားထစ်လဲ ခုဆို ယိုယွင်းနေပြီ....
ဟေ့ သွားမနင်းမိစေနဲ့....
ဒါ ငါတို့နှစ်ယောက် တည်ဆောက်ထားတာလေ
အခန်းကျဉ်းလေးထဲမှာ လူမသိကျခဲ့ရတဲ့
ငါ့ မျက်ရည်တွေ ဘယ်အချိန်မှ ခန်းခြောက်မှာလဲ
မိုးလင်းတဲ့ ညပေါင်းလဲ မနည်းတော့ပါဘူး
ပြေလည်မှုတွေ ဘယ်အချိန်မှ နိူးထမှာလဲ
နောက်ဆုံးတော့ ကို့ဘ၀က အပယ်ခံပါ ချစ်သူ...........
(PS. ကျွန်တော်သိပ်ချစ်ရသောချစ်သူနဲ့ အဆင်မပြေလို့ ခံစားရတာလေးတွေ ချရေးလိုက်တာပါ 14.2.2009 )
Subscribe to:
Posts (Atom)
